ალეკო ელისაშვილი - ჩვენ გვინდა თავდაყირა დავაყენოთ ის, რაც პოლიტიკაში აქამდე წესად მიიჩნეოდა

ჩვენ გვინდა საკუთარი ცხოვრებით, საკუთარი მაგალითით ვაჩვენოთ, რომ სინამდვილეში პოლიტიკა ხალხის სამსახურია, ხალხის პრობლემებზე ფიქრი, ხალხის დარდზე ფიქრი და ამ პრობლემების გადაჭრა, - ამის შესახებ „სამოქალაქო მოძრაობის“ ლიდერმა ალეკო ელისაშვილმა ახალი პოლიტიკური პლატფორმის პრეზენტაციისას განაცხადა, რომლის მემორანდუმსაც ხელს დეპუტატი ლევან კობერიძე და მოძრაობა „ხალხისთვის“ ლიდერი ანა დოლიძე აწერენ.

როგორც ელისაშვილმა პრეზენტაციისას აღნიშნა, ეს არის სივრცე, მაგიდა, სადაც საქართველოზე შეყვარებული ადამიანები იკრიბებიან, მსჯელობენ და ფიქრობენ ქვეყანასა და ქართველი ხალხის პრობლემებზე.

„მინდა დავაზუსტო, რომ ეს არ არის პარტიის პრეზენტაცია. ეს არის პლატფორმის პრეზენტაცია. ეს არის სივრცე, ეს არის მაგიდა, სადაც საქართველოზე შეყვარებული ადამიანები ვიკრიბებით, ვიმსჯელებთ და ვიფიქრებთ საქართველოზე, ქართველი ხალხის დარდზე და პრობლემებზე. ჩვენ გვინდა თავდაყირა დავაყენოთ ის, რაც პოლიტიკაში აქამდე წესად მიიჩნეოდა. ჩვენთან ყველამ ვიცით, რომ 30 წელია პოლიტიკურ პროცესად მიჩნეულია სიძულვილი, ზიზღი, გაუთავებელი დაპირისპირება. ხალხი სიღარიბეში და სიღატაკეში იხრჩობა. ეს ქვეყანა გახდა წარუმატებელი და მაჩანჩალა ქვეყანა, საიდანაც ადამიანები უბრალოდ გარბიან. ჩვენ გვინდა საკუთარი ცხოვრებით, საკუთარი მაგალითით ვაჩენოთ, რომ სინამდვილეში პოლიტიკა ხალხის სამსახურია, ხალხის პრობლემებზე ფიქრი, ხალხის დარდზე ფიქრი და ამ პრობლემების გადაჭრა. ჩვენ, აქ შეკრებილ ადამიანებს ღრმად გვწამს და იმედს ვიტოვებთ, რომ შემოგვიერთდებიან და ჩვენი გუნდი გაფართოვდება ისეთი ღირებულებების მქონე ადამიანებით, რა ღირებულებებიც ამ მემორანდუმშია ჩამოწერილი. ჩვენ გვწამს ამ ქვეყნის შესაძლებლობების და გვწამს იმის, რომ ეს ქვეყანა შეიძლება გახდეს წარმატებული, თავაწეული და მხრებში გაშლილი. ჩვენ ამისთვის თავს არ დავზოგავთ და ძალისხმევას არ დავიშურებთ“, - განაცხადა ალეკო ელისაშვილმა.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო