ტრანსნაციონალური დანაშაულის საქმეზე დაკავებული ერთ-ერთი პირის ადვოკატი აცხადებს, რომ სასამართლოს გადაწყვეტილებას გაასაჩივრებენ

ტრანსნაციონალური დანაშაულის საქმეზე ერთ-ერთი დაკავებულის, ევა კორსანტიას ადვოკატის, ნოდარ ყეინაშვილის განცხადებით, კორსანტია დანაშაულს აღიარებს.

ადვოკატის თქმითვე, ევა კორსანტია შპს "ანგელის" დირექტორი იყო და მის ანგარიშზე უცხო ქვეყნის საბანკო ბარათებიდან თანხა ირიცხებოდა.

"ჩემი დაცვის ქვეშ მყოფი ჩადენილ დანაშაულს აღიარებს, გამოძიებასთან თანამშრომლობს. მიუხედავად ამისა, სასამართლომ დაცვის მხარის შუამდგომლობა არ გაითვალისწინა აღკვეთის ღონისძიების სახით გირაოს გამოყენებასთან დაკავშირებით. ჩვენ მიერ სასამართლოსთვის გირაოს სახით 20 000 ლარი იქნა შეთავაზებული, თუმცა, სასამართლომ ბრალდების მხარის შუამდგომლობა დააკმაყოფილა და ყველაზე მკაცრი აღკვეთის ღონისძიება პატიმრობა გამოიყენა. დაცვის მხარე კანონით გათვალისწინებულ 48 საათში აღნიშნულ გადაწყვეტილებას გავასაჩივრებთ.

ჩემი დაცვის ქვეშ მყოფი ადასტურებს იმ ფაქტს, რომ მის საბანკო ანგარიშზე უცხო ქვეყნის საბანკო ბარათებიდან ტრანზაქცია განხორციელდა", - აცხადებს ყეინაშვილი.

ცნობისთვის, საქართველოს გენერალურმა პროკურატურამ ტრანსნაციონალური დანაშაული გამოავლინა, რის შედეგადაც სისხლისსამართლებრივი დევნა დაიწყო 8 პირის მიმართ.

უწყების ცნობით, ბრალდებულების დანაშაულებრივი ქმედებით საქართველოში მოქმედ საბანკო დაწესებულებებსა და ამერიკის შეერთებული შტატების მოქალაქეებს 687 321 ლარის და 60 400 აშშ დოლარის ოდენობის ზიანი მიადგათ.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 02.08.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან