IDFI -ის კვლევის შედეგად, პარლამენტი საჯარო ინფორმაციის პროაქტიულად გამოქვეყნების რეიტინგში პირველ ადგილზეა

საქართველოს პარლამენტი საჯარო ინფორმაციის პროაქტიულად გამოქვეყნების რეიტინგში პირველ ადგილზეა. ამის შესახებ „ინტერპრესნიუსს“ საქართველოს პარლამენტიდან აცნობეს.

მათივე ინფორმაციით, ინფორმაციის თავისუფლების განვითარების ინსტიტუტის (IDFI) ყოველწლიური კვლევის შედეგად, საქართველოს პარლამენტი საჯარო ინფორმაციის პროაქტიულად გამოქვეყნების კუთხით, ცენტრალურ საჯარო დაწესებულებებში პირველ ადგილს 100%-ანი მაჩვენებლით იკავებს.

„IDFI-ის მიერ მონიტორინგის ობიექტი 121 საჯარო დაწესებულების ვებგვერდი გახდა. გამოქვეყნებულ ანგარიშში წარმოდგენილია საქართველოში საჯარო ინფორმაციის პროაქტიული ხელმისაწვდომობის შეფასება 2020 წლის მაისის მდგომარეობით და მოცემულია ინფორმაციის პროაქტიული ხელმისაწვდომობის ტენდეციები განვლილ წლებთან შედარებით.

შეფასების მეთოდოლოგია ეფუძნება საქართველოს მთავრობის დადგენილებით განსაზღვრულ პროქტიულად გამოსაქვეყნებელი ინფორმაციის ნუსხას და აფასებს, თუ რამდენად სრულყოფილად პასუხობს საჯარო დაწესებულებათა მიერ გამოქვეყნებული ინფორმაცია დადგენილებით გაწერილ ვალდებულებებს, როგორც შინაარსობრივი, ისე პერიოდულობის თვალსაზრისით.

საქართველოს პარლამენტის 100%-იანი შედეგი მიღებულია საქართველოს პარლამენტისათვის დამტკიცებული პროაქტიულად გამოსაქვეყნებელი ნუსხის მიხედვით, სადაც სავალდებულო გამოსაქვეყნებლად განსაზღვრულია პარლამენტის ფუნქციურ საქმიანობასთან დაკავშირებული მნიშვნელოვანი ინფორმაცია.

საჯარო ინფორმაციის პროაქტიული გამოქვეყნება საქართველოს მიერ ღია მმართველობის პარტნიორობის (OGP) ფარგლებში აღებულ ვალდებულებათა შორის ერთ-ერთი უმნიშვნელოვანესია.

შეგახსენებთ რომ, გასულ წელთან შედარებით საქართველოს პარლამენტმა შედეგები 9%-ით გააუმჯობესა და მესამე ადგილიდან პირველ ადგილზე გადაინაცვლა“, - აღნიშნულია პარლამენტის გამოქვეყნებულ ინფორმაციაში.

დამატებითი ინფორმაციისთვის იხილეთ ანგარიში: https://idfi.ge/public/upload/Sida/07353294.pdf

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)