ბადრი ჯაფარიძე - ირაკლი კობახიძის განცხადებები არაადეკვატური და პოლიტიკური მაზოხიზმია

"ქართული ოცნების" აღმასრულებელი მდივნის, ირაკლი კობახიძის ქვეყნის შიგნით არსებული ძალების, ოპოზიციის სახით, "გრუ"-ს აგენტებად მოხსენიებას „ლელო საქართველოს“ ლიდერი ბადრი ჯაფარიძე პოლიტიკურ მაზოხიზმს უწოდებს.

ამის შესახებ „ინტერპრესნიუსს“ პოლიტიკური გაერთიანებიდან „ლელო საქართველოსთვის“ აცნობეს.

ბადრი ჯაფარიძე განმარტავს, რომ უმრავლესობა მსგავსი ტიპის განცხადებით დესტაბილიზაციის პროვოცირებას ახდენს და ამას პარტიის მმართველი სპიკერების გავლით აკეთებს.

ირაკლი კობახიძის განცხადებები არაადეკვატური და პოლიტიკური მაზოხიზმია. „ქართული ოცნება“, იმის ნაცვლად, რომ რეალურად აფასებდეს გარე საფრთხეებს და ამ საფრთხის ნეიტრალიზებისთვის მუშაობდეს, საპირისპიროდ იქცევა. ისრებს ქვეყნის შიგნით ოპოზიციური პარტიებისკენ მიმართავს. ჩემი აზრით, ეს არის დესტაბილიზაციის პროვოცირების საუკეთესო გზა და, სამწუხაროდ, დესტაბილიზაციის პროვოცირება მომდინარეობს სწორედ მმართველი პარტიის სპიკერებიდან“, - განაცხადა ბადრი ჯაფარიძემ.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე