ავსტრალიის მთავრობა და სხვა ორგანიზაციები ერთ-ერთი დახვეწილი სახელწიფო აქტორის კიბერ თავდასხმის სამიზნეები არიან, - ამის შესახებ ავსტრალიის პრემიერ-მინისტრმა სკოტ მორისონმა განაცხადა.
მორისონის თქმით, კიბერ თავდასხმის სამიზნეს ავსტრალიის სხვადასხვა სფეროში მოქმედი ორგანიზაციები არიან.
„ამ თავდასხმის სამიზნე ავსტრალიის სხვადასხვა სექტორის ორგანიზაციები არიან, მათ შორის სამთავრობო, პოლიტიკური, საგანმანათლებლო, ჯანდაცვისა და სხვა მნიშვნელოვანი ინფრასტრუქტურული სფეროს ორგანიზაციები,“ - განაცხადა ავსტრალიის პრემიერ-მინისტრმა.
მისივე თქმით, საფრთხე მუდმივია, თუმცა ბოლო თვეების განმავლობაში ასეთი სახის თავდასხმებმა იმატა.
სკოტ მორისონმა კონკრეტული სახელმწიფო არ დაასახელა, თუმცა აღნიშნა, რომ მსოფლიოში ბევრი არ არის ისეთი სახელმწიფო, რომელსაც მსგავსი თავდასხმის განხორციელების შესაძლებლობა აქვს.