ეროვნულ გვარდიაში მეთაურის უფლებამოსილების გადაბარების ცერემონიალი გაიმართა

დღეიდან საქართველოს თავდაცვის ძალების ეროვნულ გვარდიას პოლკოვნიკი რომან ჯოხაძე ხელმძღვანელობს. ახლად დანიშნული მეთაურის პირველი სამუშაო დღე ეროვნულ გვარდიაში დროშის გადაბარების ცერემონიალით დაიწყო. როგორც „ინტერპრესნიუსს“ თავდაცვის სამინისტროდან აცნობეს, ეროვნული გვარდიის დროშა ყოფილმა უფროსმა, პოლკოვნიკმა ირაკლი ჭუმბურიძემ პოლკოვნიკ რომან ჯოხაძეს ოფიციალურად გადასცა და მომავალ საქმიანობაში წარმატებები უსურვა.

მათივე ცნობით, ეროვნული გვარდიის სამწყობრო მოედანზე მოწყობილ პირად შემადგენლობას თავდაცვის ძალების მეთაურის მოვალეობის შემსრულებელი, გენერალ-მაიორი გიორგი მათიაშვილი მიესალმა და ახალი უფროსი წარუდგინა, პოლკოვნიკ ირაკლი ჭუმბურიძეს კი, ეროვნული გვარდიის განვითარების საქმეში შეტანილი წვლილისთვის მადლობა გადაუხადა.

„გვარდიელებს სიტყვით მიმართა ახალმა მეთაურმაც. პოლკოვნიკმა რომან ჯოხაძემ აღნიშნა, რომ პირად შემადგენლობასთან ერთად ეროვნული გვარდიის განვითარებისთვის ძალისხმევას არ დაიშურებს. დროშის გადაბარების ცერემონიამდე ხელმძღვანელმა პირებმა ტერიტორიული მთლიანობისთვის ბრძოლებსა და საერთაშორისო მისიებში დაღუპული მებრძოლების ხსოვნას წუთიერი დუმილით პატივი მიაგეს. ეროვნული გვარდიის მეთაურად დანიშვნამდე პოლკოვნიკი რომან ჯოხაძე პოლონეთში, უნგრეთში, სლოვაკეთსა და ჩეხეთის რესპუბლიკებში საქართველოს თავდაცვის ატაშე იყო. მას თავდაცვის ძალებში სხვადასხვა დროს მნიშვნელოვანი თანამდებობები ეკავა, მათ შორის იყო გენერალური შტაბის უფროსის მოადგილე, J2 დაზვერვის დეპარტამენტის უფროსი, სამხედრო დაზვერვის დეპარტამენტის უფროსი, თავდაცვის სამინისტროს ანალიტიკურ დეპარტამენტში სამხედრო ექსპერტი. მუშაობდა ასევე, ეროვნულ გვარდიაში ჯერ ბატალიონის, შემდეგ კი საწვრთნელი ცენტრის მეთაურად. ეროვნული გვარდიის ყოფილი მეთაური, პოლკოვნიკი ირაკლი ჭუმბურიძე საქმიანობას თავდაცვის ძალების გენერალურ შტაბში გააგრძელებს“, - ნათქვამია ინფორმაციაში.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე