ბათუმში თვითდასაქმებულმა მოქალაქეებმა საპროტესტო აქცია გამართეს. აქციაზე, ოპერატორები, ფოტოგრაფები და ივენთმენეჯერები იმყოფებოდნენ, რომლებიც ქორწილებსა და სხვადასხვა კულტურულ ღონისძიებებს ორგანიზებას უწევდნენ.
აქციის მონაწილეების განცხადებით, პანდემიის გამო დაზარალდნენ და სამუშაოს გარეშე დარჩნენ.
ისინი ხელისუფლებისგან განმარტებებს მოითხოვენ, თუ როგორ გააგრძელებენ საქმიანობას.
„ჩვენ არ ვითხოვთ საღამოების სასწრაფო დაშვებას, ვითხოვთ განმარტებებს 15 ივლისიდან რა ფორმით იქნება დაშვებული ეს ღონისძიებები, რომ ჩვენი საქმიანობა დავგეგმოთ. ახლა ჩვენი შემოსავალი ნულზეა, აჭარაში 7000-მდე კაცი იყო დაკავებული ამ საქმიანობით, არამარტო ფოტოგრაფები და ოპერატორები, მზარეულები, მიმტანები, დიზაინერები და ასე შემდეგ, ჩვენც გვჭირდება არსებობა", - განაცხადა ფოტოგრაფმა არჩილ მანველიძემ.