აჭარის მთავრობის თავმჯდომარე  სოფლის მეურნეობის მინისტრთან ერთად ფერმერებს შეხვდა

აჭარის მთავრობის თავმჯდომარე თორნიკე რიჟვაძე, სოფლის მეურნეობის მინისტრთან ტიტე აროშიძესთან ერთად ადგილობრივ ფერმერებს შეხვდა და სოფლის მეურნეობის ანტიკრიზისული გეგმით გათვალისწინებული პროგრამების შესახებ დეტალური ინფორმაცია მიაწოდა. ამის შესახებ ინფორმაციას აჭარის მთავრობის ადმინისტრაცია ავრცელებს.

„აჭარის საგანგებო ბიუჯეტიდან ნახევარ მილიონზე მეტი იქნა გამოყოფილი, რომ თითოეულ მოქალაქეს, ფერმერს ჰქონოდა საშუალება უფასო ხვნა-თესვის პროგრამით ესარგებლა.

აჭარაში უკვე დამუშავდა 1500 ჰა მიწა, ეს, ბოლო 20-30 წლის განმავლობაში, ყველაზე მაღალი შედეგია.

არც ერთი კვადრატული მიწა არ უნდა დარჩეს დაუმუშავებელი. კიდევ უფრო მეტად უნდა გავაძლიეროთ სოფელი და ის კონკრეტული შედეგი, რომელიც სოფელში მოსახლეობის, თუნდაც სეზონურ დაბრუნებას ემსახურება. ქალაქიც და ეკონომიკაც მაშინ იქნება ძლიერი, როცა სოფელში გლეხი და ფერმერი იქნება ძლიერი'' , - განაცხადა თორნიკე რიჟვაძემ ფერმერებთან შეხვედრისას.

აჭარის მთავრობის ადმინისტრაციის ცნობით, აღნიშნული პროგრამებით აჭარის ყველა მუნიციპალიტეტის ფერმერებს, სახნავ-სათესი ფართობების დამუშავება უფასოდ შეეძლოთ, პროგრამით 2000-ჰა ფართობის მიწის დამუშავება იყო გათვალისწინებული. ამ ეტაპზე უკვე დამუშავებულია 1500 ჰა ფართობი.

პროგრამის ფარგლებში მოსახლეობამ მაქსიმალურად აითვისა ისეთი ფართობები, რომლებიც ბოლო ათწლეულების განმავლობაში არ დამუშავებულა. სასოფლო-სამეურნეო საქმიანობაში ჩართულ ფერმერებსა და მეწარმეებს შესაძლებლობა ჰქონდათ სახელმწიფოსგან სხვადასხვა მნიშვნელოვანი მხარდაჭერით ესარგებლათ.

როგორც აჭარის მთავრობის ადმინისტრაციაში აცხადებენ, პროექტი დასრულების ეტაპზეა, ჩართულია ტექნიკა, რომელიც საკმარისია იმისათვის, რომ სწორედ განსაზღვრული ვადების შესაბამისად იქნას დამუშავებული.

სოფლის მეურნეობის ანტიკრიზისული გეგმის ფარგლებში, მაღალმთიან აჭარაში სანერგე საჩითილე მეურნეობების განვითარების ხელშეწყობით, თანამედროვე ტექნოლოგიებით აღჭურვილ ახალშენისა და შუახევის საჩითილე მეურნეობებში დაირგო 1 მილიონზე მეტი ჩითილი, რომელიც აჭარის ყველა მუნიციპალიტეტის ფერმერებს უფასოდ დაურიგდა.

ასევე, საგანგებო ბიუჯეტის ფარგლებში, აჭარის სოფლის მეურნეობის სამინისტროს პროგრამის „ბოსტნეული კულტურების წარმოების განვითარების ხელშეწყობის“ ფარგლებში, ქობულეთის მუნიციპალიტეტში 43 სათბურში 30 000 ცალი ჩითილი დაირგო.

სასათბურე მეურნეობიდან წარმოებული იქნება 300 ტონა პროდუქტი, რომელიც რეგიონის მოსახლეობას საჭიროების შემთხვევაში უფასოდ დაურიგდება.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა