სომხეთში, ბოლო 24 საათში, კორონავირუსის 551 ახალი შემთხვევა გამოვლინდა და 13 ადამიანი გარდაიცვალა, - ამის შესახებ ინფორმაციას ადგილობრივი მედია ავრცელებს. მათივე ინფორმაციით, საერთო ჯამში ქვეყანაში ვირუსით ინფიცირებულ პაციენტთა რიცხვი 19 708-მდე გაიზარდა, ხოლო ვირუსს საერთო ჯამში 332 ადამიანი ემსხვერპლა. აღსანიშნავია, რომ გასული დღე-ღამის განმავლობაში დაღუპული პაციენტებიდან ერთი 38 წლისაა.

რაც შეეხება გამოჯანმრთელებულებს, სომხეთში დღემდე „კოვიდ 19“-სგან 8 854 პაციენტი განიკურნა.