ფოთში, ლაბორატორიული კვლევის შედეგად 18 პირს კორონავირუსი არ დაუდგინდა. ტესტირებულებს შორის არიან მებაჟეები, მედიკოსები და საზოგადოებრივი ჯანდაცვის ადგილობრივი ცენტრის თანმაშრომლები.

„ფოთში კორონავირუსზე კვლევა 18 პირს ჩაუტარდა. აქედან ოთხი მებაჟე, ორი მედიკოსი, 12 კი საზოგადოებრივი ჯანდაცვის ცენტრის წარმომადგენელია. მათი ბიოლოგიური მასალა „პისიარ“ კვლევისთვის გაგზავნილი იყო ზუგდიდის ინფექციური საავადმყოფოს ლაბორატორიაში. საბედნიეროდ, ყველა ანალიზის პასუხი უარყოფითია. აღნიშნული კვლევა გეგმურია და პრევენციული მიზნით ხორციელდება,“ – განაცხადა საზოგადოებრივი ჯანდაცვის ცენტრის დირექტორმა, ნანა მხეიძემ.