ლევან გოგიჩაიშვილი - დიდი იმედი მაქვს, "ქართულ ოცნებას" არ აქვს  ხრიკი ჩაფიქრებული,  კონსტიტუციური შესწორება უნდა გავიდეს, ეს ყველას სჭირდება

დიდი იმედი მაქვს, "ქართულ ოცნებას" არ აქვს ხრიკი ჩაფიქრებული, კონსტიტუციური შესწორება უნდა გავიდეს, ეს ყველას სჭირდება , - ამის შესახებ ფრაქცია "დამოუკიდებელი დეპუტატების" წევრმა ლევან გოგიჩაიშვილმა ჟურნალისტებთან განაცხადა.

როგორც მან აღნიშნა, მისი ფრაქცია მზად არის საკონსტიტუციო ცვლილებებს მხარი ყოველგვარი დათქმის გარეშე დაუჭიროს.

"ყველაზე მნიშვნელოვანი არის, რომ შეთანხმებები ქვეყანაში უნდა სრულდებოდეს, "ქართულმა ოცნებამ" დაარღვია ძალიან ბევრი შეთანხმება, ამის დარღვევის რესურსი მგონია, რომ აღარ არის. "ქართული ოცნების" ლეგიტიმაცია იკლებს ხალხში, პარტნიორებში, რომლებიც აღიარებენ ქვეყნის სუვერენიტეტს, მხარში უდგანან ამ ქვეყანას, იქ უკვე იქნება ძალიან მძიმედ ეს ყველაფერი გადასატანი, იმიტომ რომ ყველაფერს აქვს თავის რესურსი. ჩვენ ვუჭერთ საკონსტიტუციო ცვლილებებს და ვაპირებთ მხარი დავუჭიროთ ამ ქვეყნისთვის. ეს ქვეყანა, მომავალი მშვიდობიანი საარჩევნო პროცესი არის ყველაზე მნიშვნელოვანი.

დიდი იმედი მაქვს, "ქართულ ოცნებას" არ აქვს რაღაც ხრიკი ჩაფიქრებული, ეს კანონი, კონსტიტუციური შესწორება უნდა გავიდეს, ეს ყველას სჭირდება. ჩვენი ფრაქცია მზად არის, რომ ყველანაირი წინაპირობის, დათქმის გარეშე მხარი დაუჭიროს განსხვავებით სხვა ჯგუფებისგან, რომლებიც კონკრეტულ პირობებს აყენებენ. მე ვფიქრობ, ქვეყანასთან პირობის დაყენება არ არის უპრიანი და თუ ვინმე ამას მისცემს ხმას, ეს უნდა გააკეთოს ქვეყნისთვის" , - განაცხადა გოგიჩაიშვილმა.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან