რუსთავში, კოსტავას გამზირის რეაბილიტაცია სრულდება

რუსთავში, კოსტავას გამზირის რეაბილიტაციის მასშტაბური პროექტი, დასრულების ფაზაშია. ამის შესახებ „ინტერპრესნიუსს“ რუსთავის მერიიდან აცნობეს.

მათივე ინფორმაციით, მიმდინარე სამუშაოების ფარგლებში, ქალაქის ცენტრალურ ქუჩაზე, ასფალტის ბოლო ფენის დაგება მიმდინარეობს. ცენტრალურ გამზირზე მიმდინარე სარეაბილიტაციო სამუშაოებს ქვემო ქართლში სახელმწიფო რწმუნებული შოთა რეხვიაშვილი, რუსთავის მერი ირაკლი ტაბაღუა გუბერნატორის მოადგილე ზვიად ჭუნაშვილი და მერის პირველი მოადგილე ბესიკ ტოგონიძე გაეცნენ.

,,კოსტავას გამზირის რეაბილიტაცია გასული წლის ნოემბერში დაიწყო და უახლოეს პერიოდში დასრულდება, პროექტი ორ ნაწილად იყო გაყოფილი. პირველი ეტაპი შენობების ფასადების რეაბილიტაცია-რეკონსტრუქციას ისახავდა მიზნად, პროექტის მეორე ეტაპზე კი, რომელიც ამჟამად ხორციელდება, ტერიტორიაზე მთლიანად შეიცვალა სანიაღვრე და საკანალიზაციო სისტემა, განახლდა ასფალტის საფარი, სპეციალური ფილებით მოპირკეთდა ტროტუარები, დამონტაჟდა გარე განათების თანამედროვე ქსელი, შუაგამყოფ ზოლში მოეწყო რეკრეაციული სივრცე, სადაც ქალაქის მერიამ, დამატებით უნგრული ცაცხვის ხეებიც დარგო. ამასთანავე, ,,ჯი აი ზეტ“-თან ერთად შემუშავებული პროექტის მიხედვით, დაგეგმილია ველობილიკების მოწყობაც. პროექტის დასრულებამდე დაიხაზება საპარკინგე ზონები და გადასასვლელები“, -განაცხადა ჟურნალისტებთან საუბარში რუსთავის მერმა ირაკლი ტაბაღუამ.

პროექტის დასრულების შემდეგ, ქალაქის ერთ-ერთი ყველაზე ძველი ქუჩა, მთლიანად რეაბილიტირებული იქნება. შუაგამყოფ ზოლში მოწყობილი სკვერი კი, კიდევ ერთ რეკრეაციულ სივრცეს შემატებს ქალაქს. წლის ბოლომდე, ქალაქში ადგილობრივი ბიუჯეტისა და რეგიონული განვითარების ფონდის დაფინანსებით, 22 მილიონ 531,183 ათასი ლარის პროექტების განხორციელებაა დაგეგმილი.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე