ეკა ბესელია - დიპლომატებმა "ქართული ოცნება" აიძულეს, რომ მოლაპარაკების მაგიდასთან დამსხდარიყვნენ და ხელი მოეწერათ პროექტისთვის, რომელიც მათ არ უნდოდათ

პარტია "სამართლიანობისთვის" თავმჯდომარის, პარლამენტის დეპუტატის ეკა ბესელიას განცხადებით, საკონსტიტუციო ცვლილებების დროულად მიღებას ის მნიშვნელობა აქვს, რომ არჩევნები ჩატარდეს მშვიდობიან გარემოში და ქვეყანამ თავიდან აიცილოს პროცესების რადიკალიზაცია. ამის შესახებ ბესელიამ საკონსტიტუციო ცვლილების პირველი მოსმენით კენჭისყრის შემდეგ ჟურნალისტებს განუცხადა.

მისი თქმით, სწორი იყო ის გადაწყვეტილება, როდესაც ყველა იმ დეპუტატმა, რომელმაც ამ ცვლილებების საჭიროების პასუხისმგებლობა გაიაზრა და კანონპროექტს ხმა მისცა.

"ეს არ არის იდეალური პროექტი, მას თავის ხარვეზი აქვს, მაგრამ ეს არის იმაზე უკეთესი, ვიდრე არსებული სისტემაა. ამ ცვლილებების დროულად მიღებას ის მნიშვნელობა აქვს, რომ არჩევნები ჩატარდეს მშვიდობიან გარემოში და თავიდან ავიცილოთ პროცესების რადიკალიზაცია. ეს უნდა ესმოდეს "ქართულ ოცნებას" და ვფიქრობ, ამაში გადამწყვეტი როლი შეასრულა ყველა იმ ჩვენმა მეგობარმა დიპლომატმა და ჩვენი ქვეყნის საელჩოს წარმომადგენელმა, რომლებმაც მართლაც საოცარი შრომა ჩადეს იმაში, რომ 8 მარტის შეთანხმება შემდგარიყო. "ქართული ოცნება" მართლაც აიძულეს, რომ მოლაპარაკების მაგიდასთან დამსხდარიყვნენ და ხელი მოეწერათ იმ პროექტისთვის, რომელიც მათ არ უნდოდათ", - განაცხადა ბესელიამ.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 13.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ