ფოთში საგანგებო სიტუაციების კოორდინაციისა და გადაუდებელი დახმარების ცენტრის 61 თანამშრომელს ლაბორატორიული კვლევის შედეგად კორონავირუსი არ დაუდგინდა. მათი ბიოლოგიური მასალა ლუგარის ლაბორატორიაში იყო გაგზავნილი.

ცენტრის ადგილობრივ ფილიალში აცხადებენ, რომ კვლევა გეგმურია და პრევენციის მიზნით ტარდება.

„აღნიშნული კვლევა უკვე მესამედ განხორციელდა და გეგმის მიხედვით 14 დღეში ერთხელ ტარდება. ამჯერად, სასწრაფო-სამედიცინო დახმარების 61 თანამშრომლის ნიმუში ლუგარის ლაბორატორიაში იყო გაგზავნილი. მივიღეთ პასუხები და ყველა უარყოფითია“, - განაცხადა საგანგებო სიტუაციების კოორდინაციისა და გადაუდებელი დახმარების ფოთის ცენტრის ხელმძღვანელმა, კესო გელენიძემ.