დუბაი ტურისტების მიღებას 7 ივლისს იწყებს, - ამის შესახებ ინფორმაციას CNN-ი ავრცელებს.

ტელეკომპანიის ცნობით, შესაძლოა, დუბაიში ჩასულ მოქალაქეებს კოვიდ 19-ზე ტესტი ჩაუტარონ და იმ შემთხვევაში, თუ ვირუსი დაუდასტურდებათ, 14 დღის განმავლობაში კარანტინში ყოფნა მოსთხოვონ. ტურისტებს, რომლებიც წარადგენენ იმის დამადასტურებელ დოკუმენტს, რომ ბოლო 96 საათის განმავლობაში ტესტი ჩაიტარეს და პასუხი უარყოფითი იყო, ტესტის გავლა აღარ მოუწევთ.

აღსანიშნავია, რომ დუბაიში მცხოვრები პირები საზღვარგარეთ გამგზავრებას 23 ივნისიდან შეძლებენ.