ჰოლანდიაში, კორონავირუსთან დაკავშირებით დაწესებული შეზღუდვების წინააღმდეგ გამართულ საპროტესტო აქციაზე, 400-მდე დემონსტრანტი დააკავეს
ჰააგაში ასობით ადამიანმა მთავრობის მიერ კორონავირუსთან დაკავშირებით დაწესებული შეზღუდვები გააპროტესტა, - ამის შესახებ ინფორმაციას „დოიჩე ველე“ ავრცელებს.
ჰოლანდიის პოლიციის ინფორმაციით, მათ კვირას გამართული აქციის დასაშლელად წყლის ჭავლი გამოიყენეს, 400-მდე დემონსტრანტი კი- დააკავეს.
აქცია თავდაპირველად მშვიდობიანი ხასიათის იყო. სიტუაცია მას შემდეგ დაიძაბა, რაც ფეხბურთის რამდენიმე გულშემატკივარმა სამართალდამცავებს ქვები და კვამლის ბომბები დაუშინა.
