ინდოეთში ბოლო 24 საათის განმავლობაში კორონავირუსის 14 821 ახალი შემთხვევა დადასტურდა და დაინფიცირებულთა საერთო რაოდენობა 425 282-მდე გაიზარდა, - ამის შესახებ ინფორმაციას ქვეყნის ჯანდაცვის სამინისტრო ავრცელებს.

მათივე ინფორმაციით, ინდოეთში გასული დღე-ღამის განვალობაში „კოვიდ 19“-ს კიდევ 445 ადამიანის სიცოცხლე ემსხვერპლა და ფატალური შემთხვევების რიცხვმა 13 000-ს გადააჭარბა.

აღსანიშნავია, რომ ბოლო 8 დღის განმავლობაში ინდოეთში კორონავირუსით დაინფიცირების 104 000-ზე მეტი შემთხვევა გამოვლინდა და 4 500 ადამიანი გარდაიცვალა.

კოვიდინფიცირებულთა რაოდენობით ქვეყანა მე-4 ადგილზეა მსოფლიოში აშშ-ის, ბრაზილიისა და რუსეთის შემდეგ.