„ნაცმოძრაობის“ წევრი - აჭარის მთავრობის თავმჯდომარის მამას, დავით რიჟვაძეს და პოლიციის სამმართველოს უფროსს უფლებამოსილება უნდა შეუწყდეთ

აჭარის მთავრობის თავმჯდომარე თორნიკე რიჟვაძეს, ასევე მის მამას - დავით რიჟვაძეს, რომელიც შსს-ს თანამშრომელია და აჭარის პოლიციის სამმართველოს უფროს კონსტანტინე ანანიაშვილს უფლებამოსილება უნდა შეუწყდეს,- ამის შესახებ "ერთიანი ნაციონალური მოძრაობის" აჭარის ორგანიზაციის წევრი გიორგი კირთაძე აცხადებს. მისი ინფორმაციით, ხულიგნობის ბრალდებით დაკავებულების რეზო წულუკიძისა და ელდარ ანთაძის ოჯახის წევრებს აღნიშნული თანამდებობის პირები არჩევნებში "ქართული ოცნების" სასარგებლოდ მუშაობას სთხოვდნენ, სანაცვლოდ კი დაკავებულების მეუღლეებს სოციალური დანიშნულების სახით 2000-2000 ლარი ჩაერიცხათ. გიორგი კირთაძე ამბობს, რომ აღნიშნული მტკიცებულება გააჩნია და პროკურატურას საკითხის დაინტერესებისკენ მოუწოდებს.

"ერთიანი ნაციონალური მოძრაობა" საერთაშორისო თანამეგობრობას მოუწოდებს, რომ აჭარაში წინასაარჩევნო პროცესს განსაკუთრებით დააკვირდეს.

ცნობისთვის, სპორტსმენები რეზო წულუკიძე და ელდარ ანთაძე 7 მაისს ხულიგნობის ბრალდებით დააკავეს. სასამართლო პროცესი ამ დრომდე მიმდინარეობს. ოჯახის წევრებმა გათავისუფლების მოთხოვნით საპროტესტო აქცია არაერთხელ გამართეს, ერთ-ერთ აქციაზე სამართალდამცავების მიმართ წინააღმდეგობის გაწევის გამო აქციის მონაწილე 30 პირი დააკავეს, რომლებიც სასამართლომ ჯარიმის საფუძველზე გაათავისუფლა.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 29.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა