ირაკლი ღარიბაშვილი -  წარსულს ვაბარებთ საბჭოთა წარმოების, ასევე ნატო-ს არაწევრი ქვეყნების მიერ წარმოებულ მოძველებულ სპეციალურ ტექნიკას

დღევანდელი შეთანხმებით ჩვენ წარსულს ვაბარებთ საბჭოთა წარმოების, ასევე ნატოს არაწევრი ქვეყნების მიერ წარმოებულ მოძველებულ სპეციალურ ტექნიკას, - ამის შესახებ თავდაცვის მინისტრმა ირაკლი ღარიბაშვილმა ახალი სპეცტექნიკის შესყიდვის შესახებ ხელშეკრულებაზე ხელმოწერის შემდეგ განაცხადა.

მისივე თქმით, მრავალი ათწლეულის განმავლობაში, ქართველ სამხედროებს თავისი სამსახურებრივი მოვალეობის შესრულებისას არაკომფორტული, არაეფექტიანი და ამავდროულად, არასაიმედო ტექნიკის გამოყენება უწევდათ. მინისტრის განმარტებით, უწყებამ 500-ზე მეტი ერთეული სპეციალური დანიშნულების სპეცტექნიკა მსოფლიო და ევროპის ლიდერი მწარმოებლებისგან შეიძინა.

„დღევანდელი შეთანხმებით ჩვენ წარსულს ვაბარებთ საბჭოთა წარმოების, ასევე ნატო-ს არაწევრი ქვეყნების მიერ წარმოებულ მოძველებულ სპეციალურ ტექნიკას. ეს ნამდვილად არ იყო ის ხარისხი, რასაც ჩვენი სამხედროები იმსახურებდნენ. ამიტომ დღეს ჩვენ უპრეცედენტო მასშტაბის განახლებით, ამ ვითარებას მთლიანად შევცვლით და ამ ნაწილშიც სრულად ვხდებით ნატოს წევრი ქვეყნების სტანდარტებთან თავსებადი. ჩვენი პროექტით ვყიდულობთ 500-ზე მეტი ერთეული სპეციალური დანიშნულების სპეცტექნიკას. ისეთი მსოფლიო და ევროპული ლიდერი მწარმოებლები, როგორიც არის გერმანული „მანი“, იტალიური „ივეკო“ და ამერიკული „ფორდი“- აღნიშნული კომპანიების სახელები და ავტორიტეტი ადასტურებს, რომ ჩვენს მთავარ პრინციპს - ყველაფერი საუკეთესო ჯარს, რეალობაში ვნერგავთ. პროექტის საერთო თანხას თავდაცვის უწყება ეტაპობრივად, განვადებით, რამდენიმე წლის განმავლობაში გადაიხდის, რაც მნიშვნელოვანი შეღავათი იქნება ჩვენი უწყებისთვის. აღნიშნული შესყიდვა ხარჯების ეფექტურობის თვალსაზრისით მნიშვნელოვანი გადაწყვეტილებაა. რადგან ერთი და იმავე ბრენდის მწარმოებლის ტექნიკური საშუალების შესყიდვა მნიშვნელოვნად დაზოგავს ხარჯებს და მომავალში, რა თქმა უნდა, გაამარტივებს ტექნიკურ მომსახურებას. შედეგად მნიშვნელოვნად გაძლიერდება ჩვენი სამხედრო თავდაცვის შესაძლებლობები და რა თქმა უნდა, გაუმჯობესდება ჩვენი ჯარის ეფექტურობის მობილურობის ხარისხი, საბოლოო ჯამში, ჩვენ ახალი, თანამედროვე სტანდარტების დანერგვის მიზანია, ავამაღლოთ ჩვენი ჯარის მზადყოფნა და ზოგადად გავაძლიეროთ ჩვენი ქვეყნის თავდაცვისუნარიანობა,“- განაცხადა ირაკლი ღარიბაშვილმა.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე