ფასანაურის მოსახლეობის წყალმომარაგების უზრუნველსაყოფად ახალი სისტემები მოეწყობა

საქართველოს გაერთიანებული წყალმომარაგების კომპანია, დაბა ფასანაურის წყლის სისტემის მშენებლობა-რეაბილიტაციას გეგმავს. ამის შესახებ „ინტერპრესნიუსს“ გაერთიანებული წყალმომარაგების კომპანიიდან აცნობეს,

მათი ინფორმაციით, კომპანიამ აღნიშნულ პროექტზე ტენდერი უკვე გამოაცხადა. სატენდერო წინადადებების მიღება მიმდინარე წლის 10 ივლისს დასრულდება.

ტენდერის დასრულების შემდეგ, გამოვლენილმა გამარჯვებულმა კომპანიამ დაბა ფასანაურის წყალმომარაგების სისტემის სამშენებლო-სარეაბილიტაციო სამუშაოები 6 თვეში უნდა დაასრულოს.

„ამ დროისთვის, ფასანაურის მოსახლეობა სტაბილური წყალმომარაგებით სარგებლობს, თუმცა, მოძველებული და ამორტიზებული ქსელის გამო ხშირია დაზიანებები, რაც წყალმომარაგების მიწოდების კუთხით მოსახლეობას დისკომფორტს უქმნის.

პროექტის ფარგლებში, განახლდება არსებული სისტემა და მოეწყობა წყლის სრულიად ახალი ინფრასტრუქტურა. პროექტი, სახელმწიფო ბიუჯეტიდან, 1 700 000 ლარამდე დაფინანსდება. სამუშაოების დასრულების შემდეგ, 1 200-მდე ადამიანი 24 საათიანი, ხარისხიანი წყალმომარაგებით იქნება უზრუნველყოფილი.

დაგეგმილი სამუშაოების შესახებ დეტალური ინფორმაცია გაერთიანებული წყალმომარაგების კომპანიის დირექტორმა, გიგა მანდარიამ ფასანაურში პარლამენტის მაჟორიტარ დეპუტატს, ადგილობრივი მუნიციპალიტეტისა და საინიციატივო ჯგუფის წარმომადგენლებს გასულ კვირას გააცნო“,- აღნიშნულია გაერთიანებული წყალმომარაგების კომპანიის მიერ გავრცელებულ ინფორმაციაში.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა