ხულიგნობაში ბრალდებული რეზო წულუკიძე და ელდარ ანთაძე სასამართლომ პატიმრობაში დატოვა, რასაც დაკავებულების ახლობლების  გაღიზიანება მოჰყვა

ხულიგნობაში ბრალდებული რეზო წულუკიძე და ელდარ ანთაძე ბათუმის საქალაქო სასამართლოს მოსამართლე გიორგი გრატიაშვილმა პატიმრობაში დატოვა. სასამართლოს დღევანდელ გადაწყვეტილებას დაკავებულების ახლობლების გაღიზიანება მოჰყვა.

ბრალდებულის რეზო წულუკიძის განცხადებით, მის ინტერესშია, რომ სასამართლომ სიმართლე დაადგინოს. რეზო წულუკიძის თქმით, საპატიმროში ის გაუსაძლის პირობებში იმყოფება.

"ჩემს ინტერესებშია სიმართლე დადგინდეს, პასუხისმგებლობას არ გავურბივარ. ჩვენ წესიერი, ჩამოყალიბებული კაცები ვართ, არ ვართ ხულიგანი. გვიცნობს ბევრი და პატივს გვცემს. უსამართლობაა, როცა ხმაურის გამო აღმოვჩნდით ციხეში. გაითვალისწინეთ ჩვენი ოჯახური პირობები, მცირეწლოვანი ბავშვები გვყავს, ქირით ვცხოვრებთ, ერთ თვეში შვილს ველოდები. გარდა ამისა, ციხეში გაუსაძლისი პირობები გვაქვს. მორწმუნე ადამიანები ვართ, რა ხულიგნობა?! ვემიჯნებით კრიმინალს, ყველანაირ ძალადობას! არასდროს არავინ დამიმცირებია მე და ეს უნდა იყოს გათვალისწინებული", - განაცხადა რეზო წულუკიძემ.

ელდარ ანთაძის უფლებადამცველი კი ამბობს, რომ ბრალდებულის ჯანმრთელობის მდგომარეობა დამძიმდა და მას დაზიანებები აქვს მიყენებული.

რაც შეეხება ბრალდებულების ახლობლებს, როგორც მათ "ინტერპრესნიუსთან" საუბრისას განაცხადეს, დღეს საპროტესტო აქციას გამართავენ.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე