ყირგიზეთის სასამართლომ ყოფილ პრეზიდენტს ალმაზბეკ ატამბაევს 11 წლითა და 2 თვის ვადით თავისუფლების აღკვეთა მიუსაჯა, - ამის შესახებ ინფორმაციას „როიტერსი“ ავრცელებს. სასამართლომ ატამბაევი 2013 წელს ერთ-ერთი კრიმინალური ავტორიტეტის, აზიზ ბატუკაევის ციხიდან უკანონოდ გათავისუფლებასთან დაკავშირებით კორუფციულ გარიგებაში დამნაშავედ ცნო. ატამბაევის მხარდამჭერები ბრალდებას უარყოფენ და ყოფილი პრეზიდენტის წინააღმდეგ გამოტანილ განაჩენს მასსა და პრეზიდენტ სოორონბაი ჟეენბეკოვს შორის არსებულ კონფლიქტს უკავშირებენ.
შეგახსენებთ, ალმაზაკ ატამბაევი ყირგიზეთს 2011-2017 წლებში მართავდა. ის სამართალდამცავებმა 2019 წლის აგვისტოში დააკავეს.