სახელმწიფო რწმუნებულის პირველმა მოადგილემ ევროპის ისტორიული თერმული ქალაქების ასოციაციის გენერალური ასამბლეის წარმომადგენლებს იმერეთში არსებული სიტუაცია გააცნო

ევროპის ისტორიული თერმული ქალაქების ასოციაციის გენერალური ასამბლეა დღეს, დისტანცირებულად, ონლაინ რეჟიმში გაიმართა. ასამბლეაში, რომელსაც 50-მდე ევროპის ქვეყნის წარმომადგენელი ესწრებოდა, იმერეთში სახელმწიფო რწმუნებულის პირველი მოადგილე იოსებ ხახალეიშვილი მონაწილეობდა.

იმერეთში სახელმწიფო რწმუნებულის პრესსამსახურის ინფორმაციით, შეხვედრაზე ასოციაციის მიმდინარე საკითხები განიხილეს, შეფასდა ბიუჯეტი, იმსჯელეს ახალი წევრების მიღების თემაზეც. ასევე, განსაკუთრებული ყურადღება გამახვილდა პანდემიის შემდგომ პერიოდში თერმულ ქალაქებში განსახორციელებელ აქტივობებზე თუ როგორ უნდა ამუშავდეს ტურიზმი და ამ ეტაპზე როგორი მდგომარეობაა, ფუნქციონირებენ თუ არა ქალაქები სრულფასოვნად.

იოსებ ხახალეიშვილმა ევროპის ისტორიული თერმული ქალაქების ასოციაციის გენერალური ასამბლეის წარმომადგენლებს იმერეთში არსებული სიტუაცია გააცნო და მიაწოდა ინფორმაცია იმის შესახებ, რომ 15 ივნისიდან საქართველოში შიდა ტურიზმი გაიხსნა, ხოლო პირველი აგვისტოდან თერმული ლოკაციები, საირმე და წყალტუბო, საერთაშორისო ვიზიტორებსაც მიიღებენ.

"ასამბლეაზე მონაწილეებმა ასოციაციის სამომავლო სტრატეგიაზეც იმსჯელეს, რომელიც მიზნად ისახავს განახლებულ მიდგომას და უფრო მეტ კომუნიკაციას წევრებს შორის.

აღსანიშნავია, რომ იმერეთი საქართველოდან ერთადერთი რეგიონია, რომელიც 2017 წლიდან "ეითქა"-ს წევრია.

ინფორმაციისთვის, ქუთაისი 2021 წელს ევროპის საბჭოს კულტურული მარშრუტების რიგით მე-11 ფორუმს უმასპინძლებს, რომლის ფარგლებშიც ფორუმს "ეითქას"-ს წევრი ქვეყნების წარმომადგენლებიც დაესწრებიან", - ნათქვამია ინფორმაციაში.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა