ქუთაისის მერიის ადმინისტრაციულ სამსახურს პეტრე ადამაძე უხელმძღვანელებს

ქუთაისის მერიის ადმინისტრაციულ სამსახურს პეტრე ადამაძე უხელმძღვანელებს. როგორც „ინტერპრესნიუსს“ ქუთაისის მერიიდან აცნობეს, ადამაძე აღნიშნულ პოსტზე კონკურსის წესით დაინიშნა.

მათივე ინფორმაციით, ამჟამად პეტრე ადამაძე ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის, მენეჯმენტის და ადმინისტრირების კათედრის დოქტორანტია და სადისერტაციო ნაშრომზე მუშაობს.

ადამაძე ქალაქ ქუთაისში 1993 წელს დაიბადა, დაამთავრა ქუთაისის ანდრია რაზმაძის სახელობის ფიზიკა-მათემატიკური საჯარო სკოლა.

„პეტრე ადამაძემ წარჩინებით დაასრულა ივანე ჯავახიშვილის სახელობის თბილისის სახელმწიფო უნივერსიტეტის ბიზნესის ადმინისტრირების სამაგისტრო პროგრამა და მოიპოვა ბიზნესის ადმინისტრირების მაგისტრის აკადემიური ხარისხი. იგი ასევე ფლობს ამავე უნივერსიტეტის და ფაკულტეტის ბაკალავრის აკადემიურ ხარისხს. მას ასევე განათლება მიღებული აქვს გერმანიაში, იუსტუს ლიბიგის სახელობის გისენის უნივერსიტეტში, სადაც სწავლობდა გარდამავალი ქვეყნების ეკონომიკის მენეჯმენტის სამაგისტრო პროგრამაზე. ფლობს ინგლისურ, რუსულ ენებს და გერმანულ ენებს. უნივერსიტეტში სწავლის დროს მოპოვებული აქვს სახელმწიფო და შიდა საუნივერსიტეტო სტიპენდია. რაც შეეხება მის სამუშაო გამოცდილებას, პეტრე ადამაძეს ხელმძღვანელ პოზიციებზე მუშაობის წარმატებული გამოცდილება დაუგროვდა.

იყო სამოქალაქო კვლევების და განვითარების ცენტრის (ტრენინგ ცენტრი CRDC) გენერალური დირექტორი. ამავე ორგანიზაციაში ატარებდა ტრენინგებს მენეჯმენტის სხვადასხვა მიმართულებით, მათ შორის არის: სტრატეგიული მენეჯმენტის, ადამიანური რესურსების მართვის, მარკეტინგის და PR მენეჯმენტის ტრენერი. აქტიურად იყო ჩართული განათლების და მეცნიერების საკითხებში, კერძოდ იყო კერძო უმაღლესი სასწავლებლების ასოციაციის მმართველი საბჭოს წევრი. საკუთარი ნამუშევრით სპიკერად მიწვეული იყო ეკონომიკისა და ბიზნესის საერთაშორისო კონფერენციაზე ჰარვარდის უნივერსიტეტში.

გარდა ამისა, პეტრე ადამაძე იყო რეგიონულ მაუწყებელთა ქსელის აღმასრულებელი დირექტორი. ასევე ხელმძღვანელობდა მედიაჰოლდინგ კომერსანტს. იგი აქტიურად იყო ჩართული საკონსულტაციო სფეროში. 4 წლის განმავლობაში სხვადასხვა პოზიციაზე მუშაობდა და საკონსულტაციო მომსახურებას უწევდა საქართველოში მოწინავე და დამწყებ კომპანიებს, ხელმძღვანელობდა აღნიშნული კომპანიების განვითარების პროექტებს, იყო ამავე ორგანიზაციის ბიზნესის განვითარების მენეჯერი,“ - ნათქვამია ინფორმაციაში.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე