ჩინეთში კორონავირუსის 12 ახალი შემთხვევა დადასტურდა, საიდანაც 7 პეკინში გამოვლინდა, - ამის შესახებ ინფორმაციას ქვეყნის ეროვნული ჯანდაცვის კომისია ავრცელებს.

მათივე ინფორმაციით, 12 ახალი შემთხვევიდან 3 იმპორტირებულია, 9 კი შიდა გადაცემის შედეგია.

აღსანიშნავია, რომ 7 ახალი შემთხვევა პეკინისთვის ყველაზე მცირე დღიური მაჩვენებელია 13 ივნისის შემდეგ ანუ იმ დროიდან, როდესაც დედაქალაქის ერთ-ერთი დიდი ბაზარი კორონავირუსის შემთხვევების დაფიქსირების გამო დახურეს.

ცნობისათვის, პანდემიის გავრცელების დღიდან ჩინეთში კორონავირუსით ინფიცირების 84 000-ზე მეტი შემთხვევაა დადასტურებული, დაღუპულთა რაოდენობა კი 4 600-ს აჭარბებს.