აშშ-სთან მოლაპარაკების გამართვაზე პრობლემა არ გვაქვს, თუ ვაშინგტონი ბირთვული ხელშეკრულების საფუძველზე ნაკისრ ვალდებულებებს შეასრულებს, - ამის შესახებ ირანის პრეზიდენტმა ჰასან რუჰანმა განაცხადა.
მისივე თქმით, თეირანი მზადაა მოლაპარაკებებისთვის, თუკი ვაშინგტონი 2015 წლის შეთანხმებიდან გასვლის გამო ბოდიშს მოიხდის და ირანს ზარალს აუნაზღაურებს.
„აშშ-სთან მოლაპარაკების გამართვაზე პრობლემა არ გვაქვს, მაგრამ იმ შემთხვევაში, თუკი ვაშინგტონი 2015 წლის შეთანხმებიდან გასვლის გამო ბოდიშს მოიხდის და ირანს ზარალს აუნაზღაურებს,“ - განაცხადა ჰასან რუჰანმა.
შეგახსენებთ, აშშ-მა ირანის ბირთვული შეთანხმება დონალდ ტრამპის გადაწყვეტილების შედეგად 2018 წელს ცალმხრივად დატოვა და ირანს 2015 წელს მოხსნილი სანქციები ხელახლა დაუწესა.