ყაზახეთის ხელისუფლებამ კორონავირუსის გავრცელების პრევენციის მიზნით ქვეყნის ორ ქალაქში კარანტინი გამოაცხადა, - ამის შესახებ ინფორმაციას „როიტერსი“ ავრცელებს.
გამოცემის ცნობით, ქალაქების, ქოქშეთაუსა და სტეფნოგორსკის, შესასვლელებში ბლოკ-პოსტები მოეწყო. გარდა ამისა, ორივე ქალაქში საღამოს 10-დან დილის 6 საათამდე ე.წ. კომენდანტის საათი დაწესდა.
ცნობისათვის, ყაზახეთში კორონავირუსით ინფიცირებულთა რაოდენობა მაისის შუა რიცხვებიდან, ანუ იმ პერიოდიდან, როდესაც ქვეყანაში საგანგებო მდგომარეობა და საყოველთაო კარანტინი გაუქმდა, თითქმის ექვსჯერ გაიზარდა და 30 000-ს გადააჭარბა