ალეკო ელისაშვილი - მივმართავთ თითოეულ პარტიას ოპოზიციაში, თბილისის 8 მაჟორიტარი ხალხმა გადაანაწილოს

ალეკო ელისაშვილის გუნდი ახალი ინიციატივით გამოდის და ოპოზიციურ პარტიებს მიმართავს, რომ თბილისის მაჟორიტარები ხალხის გადაწყვეტილებით გადანაწილდნენ.

"ყველაფერი ხალხის გადაწყვეტილებებით უნდა ხდებოდეს. ამდენად ჩვენ გუნდს გვაქვს ინიციატივა და მივმართავთ თითოეულ პარტიას ოპოზიციაში, მოდით თბილისის მაჟორიტარები გადავანაწილოთ პატიოსანი წესით " - ალეკო ელისაშვილი.

ალეკო ელისაშვილის თქმით პატიოსანი წესი ნიშნავს იმას, რომ ორგანიზაციებმა, რომელსაც საზოგადოება ენდობა ჩაატაროს გამოკითხვა.

" IRI-მ NDI-მ ერთობლივად ჩაატარონ გამოკითხვა და გაირკვეს 8 ყველაზე რეიტინგული ოპოზიციური ლიდერი, რომელსაც თბილისის მოსახლეობა უჭერს მხარს. მიღებული შედეგები გამოქვეყნდეს და მაჟორიტარები ხალხის შეხედულებით გადანაწილდეს. ბოკერია კი ნუ ანაწილებს, მაჟორიტარები სად უნდა დადგნენ ან ვიღაცამ კი არ უნდა გადაანაწილოს, არამედ ხალხმა. მე თუ არ მოვხვდები იმ სიაში, არანაირი პრეტენზია არ მექნება და ვიტყვი, რომ არ მიჭირს ხალხი მხარს და გავიწევი გვერდზე. ხალხის მონაწილეობით გამჭირვალედ და პატიოსნად ჩავატაროთ ეს ყველაფერი. ეს არის ჩემი მოთხოვნა და მივმართავ თითოეულ ოპოზიცურ ძალას, თუ მართლა უნდათ პატიოსან გადანაწილებაში მონაწილეობა და პატიოსანი ზრახვები აქვთ - ხალხის დარდი და ხალხის ფიქრი, დამოკიდებულება თუ ადარდებთ, დაუჭირონ მხარი ამ ინიციატივას.

ის რაც არ მომწონს, როცა პროცესში ვარ და რაც არ მომწონდა ამდენი წლის განმავლობაში, როცა გვერდიდან ვუყურებდი ქართულ პოლიტიკას, არის ეს რაღაც გარიგებები, გადანაწილებები-გადმონაწილებები. ეს რაღაცა სტამბოლის ბაზარი, რომ არის სულ გაჩაღებული - ვინ სად დადგება, როგორ დადგება. ისე იყოფენ ამ ადგილებს, გეგონება ეს ქვეყანა პაპამისის დანატოვარი იყოს. მე კიდევ მინდა, რომ პატიოსნად ხდებოდეს ყველაფერი - მაჟორიტარების გადანაწილება იქნება ეს, თუ ნებისმიერი სხვა რამ. ყველაფერი ხალხის გადაწყვეტილებებით უნდა ხდებოდეს. ამდენად ჩვენ გუნდს გვაქვს ინიციატივა და მივმართავთ თითოეულ პარტიას ოპოზიციაში​", - აცხადებს ალეკო ელისაშვილი.

ინფორმაციას ალეკო ელისაშვილის პრესსამსახური ავრცელებს.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო