ბოლნისის მუნიციპალიტეტი სოფელ მუშევანში მცხოვრები მოსახლეობის დახმარებას აქტიურად განაგრძობს, - ამის შესახებ ნათქვამია ბოლნისის მუნიციპალიტეტის მერიის მიერ გავრცელებულ ინფორმაციაში.

მათივე ცნობით, ამჯერად ყველა ოჯახმა დახმარების სახით მუნიციპალიტეტისგან ფქვილი და კარტოფილი მიიღო. სურსათის დარიგების პროცესში ბოლნისის მუნიციპალიტეტის მერი დავით შერაზადიშვილი ჩაერთო.

„მუნიციპალიტეტმა საკარანტინო ზონაში მოსახლეობას 100 და 50-ლარიანი სასურსათო პროდუქტები რამდენჯერმე გადასცა. შეგახსენებთ, რომ სოფელი მუშევანი 25 აპრილს ჩაიკეტა და მკაცრ საკარანტინო ზონად გამოცხადდა,“ - ნათქვამია ინფორმაციაში.