25 ივნისს, 11:00 საათზე, საქართველოს სახალხო დამცველი ნინო ლომჯარია საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტში 2019 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ ანგარიშს წარადგენს.
როგორც კომიტეტის თავმჯდომარის მოადგილე რატი იონათამიშვილი აცხადებს, ანგარიშში გამოთქმულ ზოგიერთ მოსაზრებას იზიარებენ და ეს მათ დადგენილებაშიც აისახება.
"აღსანიშნავია, რომ ამ საკმაოდ ვრცელ ანგარიშში 70 ადგილას გვხვდება ისეთი შეფასებები, როგორიც არის "მისასალმებელია", "პოზიტიურად უნდა შეფასდეს", რაც მნიშვნელოვანია. ცხადია, არის საკითხები, რომელსაც ვიზიარებთ და ეს აისახება საბოლოო ჯამში ჩვენს დადგენილებაში. არის გარკვეული საკითხები, რომელიც მეტ არგუმენტირებას და მსჯელობას საჭიროებს. ასე რომ, ვფიქრობ, საკმაოდ საინტერესო განხილვა გვექნება,"- განაცხადა რატი იონათამიშვილმა.
საკომიტეტო მოსმენის შემდეგ, სახალხო დამცველი წლიურ ანგარიშს საქართველოს პარლამენტის პლენარულ სხდომაზე წარადგენს.