მე ვფიქრობ, პოზიტიური შეფასებები უკვე ჩვეულებრივი ამბავი გახდა ჩვენთვის, - ასე ეხმიანება პარლამენტის პირველი ვიცე-სპიკერი აშშ- ის სახელმწიფო დეპრატამენტის ანგარიშს.

მისი თქმით, ანგარიშში პოზიტიურად არის შეფასებული საქართველოს ძალისხმევა ტერორიზმის წინააღმდეგ.

„საკმაოდ პოზიტიური და პროფესიონალური ანგარიშია, რაც გამოქვეყნდა ანტიტერორისტული საქმიანობის შესახებ. ის აფასებს საერთოდ მსოფლიოში შექმნილ რთულ ვითარებას და გამორჩეულ საქმიანობას, პროფესიონალიზმის მაღალ დონეს უსაფრთხოების სამსახურების, კერძოდ, ანტიტერორისტული ქვედანაყოფების. მე ვფიქრობ, პოზიტიური შეფასებები უკვე ჩვეულებრივი ამბავი გახდა ჩვენთვის და რომ არა მოხსენებები ბევრ საერთაშორისო ორგანიზაციებში და საქართველოს პოზიტიური გამოცდილების დაფიქსირება, საზოგადოებამაც კარგად იცის, რომ ჩვენ გვყავს საიმედო დაცვა ტერორიზმისგან, რომელიც არის მსოფლიო გამოწვევა,"- განაცხადა ვოლსკიმ.