ძალიან კარგი და მყარი ურთიერთობა გვაქვს საქართველოს უსაფრთხოების სამსახურებთან და პატივს ვცემთ სხვადასხვა სამუშაოს, რასაც ისინი ქვეყანაში უსაფრთხოების უზრუნველყოფის მიზნით ახორციელებენ, - ამის შესახებ ევროკავშირის ელჩმა საქართველოში, კარლ ჰარცელმა, კახეთის რეგიონში სტუმრობისას ჟურნალისტებთან საუბარში განაცხადა, რითაც ის გამოეხმაურა აშშ-ის სახელმწიფო დეპარტამენტის ანგარიშს, სადაც საქართველოს სახელმწიფო უსაფრთხოების სამსახური ტერორიზმის წინააღმდეგ ბრძოლის სფეროში წამყვან უწყებად დასახელდა.

„ჩვენ ძალიან კარგი და მყარი ურთიერთობა გვაქვს საქართველოს უსაფრთხოების სამსახურებთან და პატივს ვცემთ სხვადასხვა სამუშაოს, რასაც ისინი ქვეყანაში უსაფრთხოების უზრუნველყოფის მიზნით ახორციელებენ. დიდი ხანია, მსურს, ევროკავშირი უსაფრთხოების საკითხზე კიდევ უფრო მეტად იყოს ჩართული, რასაც ჩვენ უსაფრთხოების პროგრამის საშუალებით განვახორციელებთ, რომელსაც ვამზადებთ და განვაგრძობთ თანამშრომლობას ქართველ მესაზვღეებთან, რომლებთანაც კარგი ურთიერთობა გვაქვს,“- განაცხადა ელჩმა.

მისივე თქმით, აუცილებელია ქვეყანაში ისეთი ინსტიტუტების არსებობა, რომლებიც გააკონტროლებენ, თუ რა კეთდება უსაფრთხოების სფეროში და ერთ-ერთი აქტორი, რომელმაც ამ კუთხით მნიშვნელოვანი როლი უნდა შეასრულოს, პარლამენტია.