შოთა რუსთაველის საქართველოს ეროვნული სამეცნიერო ფონდის გენერალურმა დირექტორმა ზვიად გაბისონიამ ილიას სახელმწიფო უნივერსიტეტისა და გიოტინგენის უნივერსიტეტის ერთობლივი, სტრუქტურიზებული სადოქტორო პროგრამის თაობაზე გამართულ დისტანციურ შეხვედრაში მიიღო მონაწილეობა. შეხვედრას ასევე ესწრებოდნენ გიოტინგენისა და მიუნსტერის უნივერსიტეტის, ასევე ფოლკსვაგენის ფონდის წარმომადგენლები.
შოთა რუსთაველის საქართველოს ეროვნული სამეცნიერო ფონდის ინფორმაციით, შეხვედრაზე ფონდის დირექტორმა მადლობა გადაუხადა გერმანელ პარტნიორებს აქტიური მუშაობისთვის, ხაზი გაუსვა პროგრამის არსებობის მნიშვნელობაზე ახალგაზრდა მეცნიერების კარიერული განვითარების ხელშეწყობისა და სამომავლოდ სამეცნიერო კვლევების განვითარებისთვის.
„შეხვედრის ფარგლებში გამართულ დისკუსიაზე, მხარეებმა განიხილეს პროგრამის გამართულად მუშაობის საკითხი და დასახეს ამ მხრივ სამომავლო მხარდამჭერი ღონისძიებები. აღნიშნული პროგრამა რუსთაველის ფონდის და ფოლკსვაგენის ფონდის თანადაფინანსებით ხორციელდება”, - აღნიშნულია ინფორმაციაში.