დავით მათიკაშვილი სახალხო დამცველს - მინდა, თქვენგან მკაფიო პოზიცია მოვისმინო „ფეიკის“, როგორც საზოგადოების მოტყუების და ცილისწამების იარაღის შესახებ

მინდა, თქვენგან, როგორც ჩვენი ქვეყნის ნომერ პირველი უფლებადამცველისგან, მკაფიო პოზიცია მოვისმინო „ფეიკის“, როგორც საზოგადოების მოტყუების და ცილისწამების იარაღის შესახებ, რომელიც კონკრეტული პარტიული ტელევიზიებიდან და მათი რუპორებიდან ვრცელდება ,- ამის შესახებ საქართველოს პარლამენტის წევრმა, დავით მათიკაშვილმა პლენარულ სხდომაზე განაცხადა, სადაც სახალხო დამცველის ანგარიშს მოუსმინეს.

დეპუტატი სხვადასხვა ტელევიზიის მიერ მომზადებული სიუჟეტების შესახებ ომბუდსმენის პოზიციით დაინტერესდა.

„გულწრფელად გეტყვით, რომ კითხვა მინდოდა, ჩამომეყალიბებინა იმგვარად, რომ მესაუბრა ჩვენზე, პირადად ჩემს თავზე, ჩემს კოლეგებზე - კახა კუჭავაზე, მამუკა მდინარაძეზე. ჩვენს მიმართ არაერთი ბინძური და ცილისმწამებლური სიუჟეტი გავიდა, თუმცა, ბოლო პერიოდში გაჟღერდა ისეთი ფეიკ ნიუსი, რომელმაც ჩვენი საკითხი უკანა პლანზე გადაწია. არის თუ არა ტელევიზიის მიერ ბავშვთა პორნოგრაფიის ტირაჟირება და გავრცელება დანაშაული და რა სახით უნდა ვებრძოლოთ მას? ეს ანგრევს ბავშვების მომავალს, მათ ფსიქიკას. მეორე საკითხი - ჩვენი ქვეყანა პანდემიის გავრცელების შემდგომ, მთელი მსოფლიოს მიერ აღიარებულ იქნა როგორც მოწინავე პანდემიის წინააღმდეგ ბრძოლაში. ამ ფრონტის ხაზზე სწორედ ექიმები დგანან. ასევე, პარტიული ტელევიზიებიდან გაჟღერდა გაუგონარი ტყუილი, რომ თითქოს სახელმწიფო აგზავნის წარმომადგენლებს, თავაზობს კონკრეტულ ოჯახებს თანხებს იმისთვის, რომ მათ ადამიანის გარდაცვალება გაასაღონ, როგორც კორონავირუსის შედეგად მომხდარი ფაქტი. დააფიქსირეთ თქვენი პოზიცია, რა ხერხით და მეთოდით უნდა ვებრძოლოთ ამ ძალიან მძიმე დანაშაულს?“,- მიმართა დავით მათიკაშვილმა ნინო ლომჯარიას.

ინფორმაციას პარლამენტის პრესსამსახური ავრცელებს.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას