კახა კუჭავასა და ევროპარლამენტარ ურმას პაეტს შორის სატელეფონო საუბარი შედგა

პარლამენტის თავმჯდომარის მოადგილე კახა კუჭავასა და ესტონელ ევროპარლამენტარ, ურმას პაეტს შორის სატელეფონო საუბარი შედგა. როგორც „ინტერპრესნიუსს“ საქართველოს პარლამენტიდან აცნობეს, საუბრის მთავარი თემა საკონსტიტუციო ცვლილებები იყო.

„დღეს, ყველას აინტერესებს ის პროგრესი, რომელიც ჩვენ საკონსტიტუციო ცვლილებებთან დაკავშირებით გვაქვს, რის შესახებაც ესტონელ ევროპარლამენტარს სრული ინფორმაცია მივაწოდე. მან იმედი გამოთქვა, რომ 8 მარტის შეთანხმება შესრულდება და საკონსტიტუციო ცვლილებები მესამე მოსმენით მიღებული იქნება“, - განაცხადა კახა კუჭავამ.

მისივე თქმით, საუბარი შეეხო მომავალ საპარლამენტო არჩევნებსაც. პარლამენტის თავმჯდომარის მოადგილის განცხადებით მხარეებმა, ასევე, განიხილეს საქართველოს წარმატებები და ქვეყნის წინაშე არსებული გამოწვევები.

„ევროპარლამენტარმა კიდევ ერთხელ გამოხატა ჩვენი ქვეყნის მხარდაჭერა და მომავალი თანამშრომლობისთვის მზადყოფნა. ასევე, განაცხადა, რომ დააკვირდება პროცესების შემდგომ განვითარებას“, - აღნიშნა კახა კუჭავამ.

ინფორმაციას საქართველოს პარლამენტის პრესსამსახური ავრცელებს.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე