პორტუგალიის მთავრობის გადაწყვეტილებით, სახლში დარჩენის შესახებ განკარგულება, კორონავირუსის გავრცელებასთან ბრძოლის მიზნით, დედაქალაქ ლისაბონის გარკვეულ გარეუბნებში კვლავ ამოქმედდება.

შეზღუდვა არ შეეხება ლისაბონის ცენტრს, თუმცა 19 უბნის მცხოვრებლებს, სადაც ვირუსია გავრცელებული, სახლების დატოვება მხოლოდ სამსახურში წასასვლელად და აუცილებელი პროდუქტების და მედიკამენტების შესაძენად შეეძლებათ.

პორტუგალიაში გასულ დღე-ღამეში კორონავირუსის 311 შემთხვევა დაფიქსირდა. სულ ქვეყანაში ვირუსით ინფიცირების შემთხვევების რიცხვი 40 000-ს აღემატება. მათგან 1 500-ზე მეტი პაციენტი გარდაიცვალა.