ბოლნისის მუნიციპალიტეტის სოფელ მუშევანში აღებული ბიოლოგიური მასალების კვლევის შედეგები ცნობილია და 66 პირიდან, კორონავირუსი არც ერთს არ დაუდასტურდა.

როგორც ,,ინტერპრესნიუსს" ბოლნისიის მუნიციპალიტეტის მერიაში განუცხადეს, საზოგადოებრივი ჯანდაცვის ეპიდემიოლოგებმა, კოვიდ-19-ზე კვლევის მიზნით, ლუგარის ლაბორატორიაში, სულ 66 პირის ბიოლოგიური მასალა გადააგზავნეს და პასუხები უარყოფითია.

ბოლნისის მუნიციპალიტეტის სოფელ მუშევანში, კორონავირუსით ინფიცირების ბოლო შემთხვევა 20 ივნისს დაფიქსირდა. სოფელში დღეისათვის კორონავირუსით ინფიცირების 80 დადასტურებული შემთხვევაა დაფიქსირებული. მკაცრი საკარანტინე რეჟიმი მუშევანში 25 აპრილს გამოცხადდა და დღემდე მოქმედებს. მუშევანში "პი-სი-არ" კვლევა ჯამში 1200-ზე მეტ პირს ჩაუტარდა.