ჩინეთში კორონავირუსის 21 ახალი შემთხვევა გამოვლინდა, რაც ბოლო 4 დღეში დაფიქსირებული ყველაზე მაღალი მაჩვენებელია, - ამის შესახებ ინფორმაციას „როიტერსი“ ჩინეთის ჯანდაცვის ეროვნულ კომისიაზე დაყრდნობით ავრცელებს. მათივე ინფორმაციით, ახალი შემთხვევებიდან 4 იმპორტირებული, დანარჩენი კი - შიდა გადაცემის შედეგია. აღსანიშნავია, რომ 21 შემთხვევიდან 17 პეკინში გამოვლინდა, სადაც 11 ივნისიდან, ანუ ე.წ. „ბაზრის კლასტერის“ გაჩენიდან, დღემდე ვირუსით 297 ადამიანი დაინფიცირდა.
ცნობისათვის, ჩინეთში პანდემიის გავრცელების დროიდან დღემდე კორონავირუსის 83 483 შემთხვევაა დადასტურებული, დაღუპულია 4 634 ადამიანი.