დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ბესარიონ სიმონიშვილი, სენაკის მუნიციპალიტეტის მერთან ლევან კუპრეიშვილთან ერთად, სენაკში, ე.წ სამხედრო დასახლებაში მცხოვრებ დევნილ ოჯახებს შეხვდა. ამის შესახებ ინფორმაციას დევნილთა, ეკომიგრანტთა და საარსებო წყაროებით უზრუნველყოფის სააგენტო ავრცელებს.
მათივე ცნობით, სააგენტოს დირექტორმა დასახლებაში არსებული პრობლემები დევნილებისგან პირადად მოისმინა, იძულებით გადაადგილებული ოჯახების საჭიროებებს ადგილზე გაეცნო და მათ შეკითხვებს უპასუხა. დევნილთა სააგენტოს წარმომადგენლებმა, შეხვედრის მონაწილე იძულებით გადაადგილებულ პირებს დასაქმებისა და პროფესიული განათლების ხელშეწყობის მიმართულებით არსებული პროგრამების შესახებ დეტალური ინფორმაცია მიაწოდეს.