,,ლელო საქართველოსთვის” ხაშურში  რაიონული ორგანიზაცია დააფუძნა

ხაშურში, დღეს ,,ლელო საქართველოსთვის” რაიონული ორგანიზაცია დაფუძნდა. ამის შესახებ „ინტერპრესნიუსს“ „ლელო საქართველოდან“ აცნობეს.

მათივე ინფორმაციით, პარტიის ლიდერები და წევრები მოსახლეობას შეხვდნენ და ოფისის ხელმძღვანელი კახა კოჟორიძე წარუდგინეს. შეხვედრაზე ადგილობრივებს სიტყვით მიმართა “ლელოს” ლიდერმა მამუკა ხაზარაძემ და მათ პოზიტიური დახვედრისათვის მადლობა გადაუხადა.

მისი თქმით, ხაშურელებს აქვთ უდიდესი იმედი იმისა, რომ ,,ლელოსთან” ერთად დაიწყება ცვლილებები ქვეყანაში.

ხაზარაძემ რაიონში შექმნილ პრობლემებზე ისაუბრა და მისი გადაჭრის გზებზე ადგილობრივებთან ერთად იმსჯელა.

,,მე თქვენ გიცნობთ 90-იანი წლების ბნელი პერიოდიდან, როდესაც ჩვენ თქვენთან ერთად ავამუშავეთ საწარმო. სამწუხაროდ, იმ არასწორი პოლიტიკის და არასწორი ეკონომიკური დაგეგმვის გამო ეს საწარმო გაჩერებულია. მე დღეს ჩამოვედი აქ, რომ თქვენთან და ამ რეგიონის ახალგაზრდებთან ერთად საქართველოს გამარჯვებისთვის დავდოთ სერიოზული ლელო! ეს გამარჯვება იქნება თითოეული ქართველის გამარჯვება. მე ვიცი, როგორ იციან ხაშურელებმა შრომა და გვერდით დგომა და მჯერა თქვენი”, - განაცხადა ხაზარაძემ სიტყვით გამოსვლისას.

პარტიის ცნობით, პარტიის ლიდერმა ემიგრაციასა და იმ პრობლემებზეც ისაუბრა, რომელიც არა მარტო ხაშურში, არამედ მთელ ქვეყანაშია შექმნილი, არასწორი ეკონომიკური პოლიტიკის გამო.

,,არ მინდა ამ ახალგაზრდებს, რომლებიც აქ დგანან, ოჯახის ემიგრაციაში წასულ წევრებთან დისტანციურად ჰქონდეთ კომუნიკაცია. მე არ მინდა, საქართველოდან ხალხი სხვა ქვეყნებში მიდიოდეს გაჭირვებიდან თავის დასაღწევად. რადგან ჩვენ გვაქვს უნარი, ამ ქვეყანაში გვქონდეს წარმატებული ეკონომიკა. ერთხელ და სამუდამოდ დავიწყოთ იმ სახელმწიფოს შენება, სადაც თითოეულ ადამინს ექნება დაცულობის, სამართლიანობისა და სტაბილურობის განცდა. ჩვენ ოქტომბერში შემოვტრიალდებით ჩვენი ქვეყნისკენ, უარს ვეტყვით ტყუილს, უარს ვეტყვით მიტაცებულ სამშობლოს გამოსავალი კი ერთად დგომა და გამარჯვებისთვის ბოლომდე დახარჯვაა” , - განაცხადა მამუკა ხაზარაძემ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან