ჩინეთში კორონავირუსის 12 ახალი შემთხვევა გამოვლინდა, - ამის შესახებ ინფორმაციას „როიტერსი“ ჩინეთის ეროვნულ ჯანდაცვის კომისიაზე დაყრდნობით ავრცელებს.
მათივე ინფორმაციით, ახალი შემთხვევებიდან 7 ადგილობრივი გავრცელების შედეგია და ყველა მათგანი პეკინში დაფიქსირდა.
11 ივნისიდან, ანუ ე.წ. „ბაზრის კლასტერის“ გაჩენიდან, დღემდე დედაქალაქში კორონავირუსით 311 ადამიანი დაინფიცირდა.
აღსანიშნავია, რომ კორონავირუსის შემთხვევების მატების გამო, ჰებეის პროვინციის ანქსინის დასახლებაში, სადაც 400 000-მდე ადამიანი ცხოვრობს, ხელისუფლებამ მკაცრი საკარანტინო რეჟიმში დააწესა.
ანქსინი პეკინიდან 150 კილომეტრში მდებაროებს და ბოლო 2 კვირაში იქ კორონავირუსის 18 შემთხვევა გამოვლინდა.
ცნობისათვის, ჩინეთში, საერთო ჯამში, კორონავირუსის 83 512 შემთხვევაა დადასტურებული, აქედან 4 634 ადამიანი დაღუპულია.