გერმანიაში, ბოლო დღე-ღამის განმავლობაში, კორონავირუსის 262 ახალი შემთხვევა დადასტურდა და დაინფიცირებულთა საერთო რაოდენობა 193 761-მდე გაიზარდა, - შესაბამის მონაცემებს „რობერტ კოხის ინსტიტუტი“ ავრცელებს.
ამავე მონაცემების თანახმად, ქვეყანაში კოვიდ 19-ს კიდევ 4 ადამიანის სიცოცხლე ემსხვერპლა და დაღუპულთა რიცხვმა 8 961-ს მიაღწია.
ცნობისათვის, კორონავირუსით ინფიცირებულების რაოდენობით გერმანია მე-14 ადგილზე დგას მსოფლიოში.
რაც შეეხება გლობალურ მონაცემებს, Worldometers-ის ცნობით, მსოფლიოში კორონავირუსის 10 248 232 შემთხვევაა დადასტურებული, აქედან გამოჯანმრთელდა 5 556 439 და დაიღუპა 504 462 ადამიანი.