სადაზვერვო სამსახურმა New York Times-ის ინფორმაცია სანდო ინფორმაციად არ ჩათვალა და ამიტომ, მის შესახებ არც მე და არც ვიცე-პრეზიდენტ მაიკ პენსის არაფერი შეგვატყობინა, - ამის შესახებ აშშ-ის პრეზიდენტი დონალდ ტრამპი სოციალურ ქსელ „ტვიტერში“ წერს.
„სადაზვერვო სამსახურმა ახლახანს მაცნობა, რომ New York Times-ის ინფორმაცია სანდო ინფორმაციად არ ჩათვალეს და ამიტომ, მის შესახებ არც მე და არც ვიცე-პრეზიდენტს არაფერი შეგვატყობინეს. შესაძლოა, ეს კიდევ ერთი ფეიკი იყოს, რომლითაც New York Times-სს რესპუბლიკური პარტიის ცუდად წარმოჩენა სურს,“-წერს დონალდ ტრამპი.
შეგახსენებთ, რამდენიმე დღის წინ New York Times-მა გამოაქვეყნდა სტატია, სადაც აღნიშნული იყო, რომ ამერიკის სადაზვერვო სამსახურის წარმომადგენლების ინფორმაციით, რუსეთის სამხედრო დაზვერვის დანაყოფი „თალიბანთან“ დაკავშირებულ ჯგუფებს გასამრჯელოს სთავაზობდა ავღანეთში საერთაშორისო კოალიციის ძალების სამხედროების, მათ შორის ამერიკელი ჯარისკაცების ლიკვიდაციისთვის.