იაპონიაში კორონავირუსის 112 ახალი შემთხვევა დადასტურდა, რაც ყველაზე მაღალი დღიური მაჩვენებელია 25 მაისის შემდეგ, ანუ იმ დროიდან, როდესაც ქვეყანაში კორონავირუსის გამო დაწესებული შეზღუდვების შემსუბუქება დაიწყო, - ინფორმაციას იაპონიის ჯანდაცვის სამინისტროზე დაყრდნობით CNN-ი ავრცელებს.
მათივე ინფორმაციით, გასული დღე-ღამის განმავლობაში ვირუსს ქვეყანაში კიდევ ერთი ადამიანის სიცოცხლე შეეწირა. ხელისუფლების წარმომადგენლების განმარტებით, მიუხედავად იმისა, რომ ბოლო დღეების განმავლობაში კორონავირუსის შემთხვევების მატება ფიქსირდება, ამ ეტაპისთვის ქვეყანაში საგანგებო მდგომარეობის ხელახლად დაწესების საკითხი არ განიხილება.
ცნობისათვის, იაპონიაში, საერთო ჯამში, კორონავირუსის 18 390 შემთხვევაა დადასტურებული, საიდანააც გამოჯანმრთელებულია 16 505 და დაღუპულია 971 ადამიანი.