გია ვოლსკი - საკონსტიტუციო ცვლილებები ვერ ჩავარდება, თუკი ვინმე „ნაცმოძრაობას" და მათ სხვადასხვა ქვედანაყოფს არ გაურიგდა

პარლამენტის თავმჯდომარის პირველი მოადგილე, გია ვოლსკი, იმედოვნებს, რომ საკონსტიტუციო ცვლილებები მესამე მოსმენით მიღებული იქნება. როგორ მან ჟურნალისტებს განუცხადა, თუ ვინმე „ნაციონალურ მოძრაობას" და მის „ქვედანაყოფებს" არ გაურიგდა, საკონსტიტუციო ცვლილებები არ ჩავარდება.

„ოპოზიცია უკვე დაუფარავად ამბობს, რომ საკონსტიტუციო ცვლილებებს მხარი არ უნდა დაუჭიროს. ამის შესახებ განცხადება იყო და ეს განცხადებები არავის უარუყვია გაერთიანებული ოპოზიციის მხრიდან. მათ შორის იყო „ევროპული საქართველოს" წარმომადგენლების, გაერთიანებული ოპოზიციის ერთ-ერთი „თვალსაჩინო“ ლიდერის, შალვა ნათელაშვილის, განცხადება. ასე რომ, არშემოსვლის მიზეზი უკვე ვიცით. ჩვენ, რასაკვირველია, მხარს დავუჭერთ. დარწმუნებული ვარ, რომ არ მოიძებნება ისეთი დეპუტატი, რომელმაც წინა კენჭისყრებზე მხარი დაუჭირა საკითხს და ახლა გარიგებაში შევა მათთან, ვისაც საქართველოში დესტაბილიზაციის მოხდენა სურს,"-აცხადებს ვოლსკი.

მისი თქმით, თუ კენჭისყრა ჩავარდა, ამაზე პასუხისმგებლობა იმ პარტიებმა უნდა აიღონ, ვინც კენჭისყრაში არ მონაწილეობენ.

„შეკითხვა იყო ასეთი: არის თუ არა რისკი, როცა ყველა პარტია მხარს არ უჭერს. მე ვამბობ, რომ როდესაც 2-3 ხმა წყვეტს საკითხს, რასაკვირველია, რისკი ყოველთვის არსებობს. თუკი ცუდი შედეგი დადგა, ამაზე პასუხისმგებლობა უნდა აიღონ იმ პარტიებმა, ვინც ამ კენჭისყრაში არ მონაწილეობენ. დღეს განცხადებები გააკეთეს, რომ მათ საკითხის ჩავარდნა სურთ,"-აღნიშნა ვოლსკიმ.

მისი თქმით, ოპოზიციისთვის მთავარი არა გიორგი რურუას გათავისუფლება, არამედ ის არის, რომ საქართველოში ე.წ. პოლიტპატიმრის არსებობაზე ხმა გავრცელდეს.

„მათთვის მთავარი გიორგი რურუას გათავისუფლება არ არის, მთავარია, გავრცელდეს ხმა, რომ საქართველოში პოლიტიკური პატიმარი არსებობს და მისი გამოშვება დამოკიდებულია არა სასამართლოზე, არამედ პოლიტიკურ გადაწყვეტილებაზე. ეს არის მათი ამოცანა. ისინი ფიქრობენ, რომ ციხეში მყოფი პოლიტიკური ლიდერი მათთვის მეტად სალაპარაკოა",- აცხადებს ვოლსკი.

ჟურნალისტების კითხვაზე, ხედავს თუ არა ის უმრავლესობის პასუხისმგებლობას, თუ საკონსტიტუციო ცვლილებები ჩავარდება, ვოლსკიმ უპასუხა, რომ არა.

„უმრავლესობის პასუხისმგებლობა ვერანაირად ვერ იქნება. საკონსტიტუციო ცვლილებაც ვერ ჩავარდება, თუკი ვინმე არ გაურიგდა „ნაცმოძრაობას" და მათ სხვადასხვა ქვედანაყოფს. ასეთი გარიგება დღეს ვერ წარმომიდგენია. აღნიშნულის გათვალისწინებით, ველოდები, რომ დღეს საკონსტიტუციო ცვლილება მესამე მოსმენით მიღებული იქნება,"-აცხადებს ვოლსკი.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო