გიორგი შაქარაშვილის გარდაცვალების საქმეზე დაკავებული მორაგბეების ადვოკატები, მათი დაცვის ქვეშ მყოფების მიმართ შეფარდებულ პატიმრობას ხვალ გაასაჩივრებენ

ფეხბურთელ გიორგი შაქარაშვილის გარდაცვალების საქმეზე დაკავებული მორაგბეების, ვასილ მახარაძისა და არჩილ გაგნიძის ადვოკატები მათი დაცვის ქვეშ მყოფების მიმართ შეფარდებულ აღკვეთის ღონისძიებას, პატიმრობას ხვალ გაასაჩივრებენ.

აღნიშნულის შესახებ „ინტერპრესნიუსს" ბრალდებულების ადვოკატმა, ვასილ მამულაშვილმა განუცხადა.

როგორც ის განმარტავს, სასამართლოს განჩინებას დღეს ჩაიბარებენ, ხვალ კი, გაასაჩივრებენ.

„მიგვაჩნია, რომ მცხეთის რაიონული სასამართლოს მოსამართლის, სოფიო ლეჟავას განჩინება, რითაც არჩილ გაგნიძეს და ვასილ მახარაძის მიმართ აღკვეთის ღონისძიების სახით გამოყენებულ იქნა პატიმრობა, არის დაუსაბუთებელი, უკანონო და თვითნებური, რის გამოც, ხვალისთვის დაცვის მხარე წარვადგენთ საჩივარს აღნიშნული განჩინების გაუქმების მოთხოვნით. დაცვის მხარეს მიგვაჩნია, რომ კონკრეტულ ბრალდებულებთან მიმართებაში არ არსებობდა არც ფაქტობრივი და არც ფორმალური საფუძველი აღკვეთი ღონისძიების სახით პატიმრობის გამოყენებისთვის, რის გამოც, იმედს ვიტოვებთ, სააპელაციო სასამართლო მიიღებს კანონიერ და სამართლიან განჩინებას", - განაცხადა მამულაშვილმა.

ცნობისთვის, მცხეთის რაიონულმა სასამართლომ ფეხბურთელ გიორგი შაქარაშვილის გარდაცვალების საქმეზე ბრალდებულ 17-ვე პირს აღკვეთის ღონისძიების სახით პატიმრობა გუშინ შეუფარდა.

პროკურატურამ ფეხბურთელია გარდაცვალების საქმეზე დაკავებულ 17-ვე პირს ბრალდება წარუდგინა ორი ან მეტი პირის მიმართ განხორციელებული ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის და ჯგუფურად თავისუფლების უკანონო აღკვეთის ფაქტებზე, საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ და „გ“ ქვეპუნქტებით, 225-ე მუხლის პირველი და მე-2 ნაწილებით და 143-ე მუხლის მე-3 ნაწილის „ა“ ქვეპუნქტით“.

შეგახსენებთ, რომ 19 ივნისს, დაახლოებით 11:00 საათზე, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. 4-დღიანი საძიებო სამუშაოების შედეგად, მყვინთავებმა ფეხბურთელ გიორგი შაქარაშვილის ცხედარი წყალში იპოვეს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ