საფრანგეთის პრეზიდენტი ემანუელ მაკრონი ოფიციალური ვიზიტით გერმანიას ესტუმრა. გერმანიის კანცლერმა ანგელა მერკელმა კოლეგას მეზებერგში უმასპინძლა.

ორი ქვეყნის ლიდერი შეხვედრისას ევროპის ეკონომიკური გაჯანსაღების გეგმას განიხილავს. მოსალოდნელია, რომ მხარეები კორონავირუსით განპირობებულ კრიზისს, გარემოსდაცვით საკითხებს და სხვა მიმდინარე საერთაშორისო თემებს განიხილავენ.

ცნობისათვის, მიმდინარე თვის დასაწყისში ცნობილი გახდა, რომ ეკონომიკური გაჯანსაღების გეგმის საკითხზე ევროკავშირის ქვეყნების ლიდერებს შორის უთანხმოება არსებობს. ემანუელ მაკრონი რამდენიმე დღის წინ ნიდერლანდების პრემიერ-მინისტრ მარკ რუტეს შეხვდა. საფრანგეთის პრეზიდენტის ადმინისტრაციამ განაცხადა, რომ შეხვედრა ევროკავშირის ბიუჯეტსა და გაჯანსაღების ფონდთან დაკავშირებით არსებული უთანხმოების აღმოსაფხვრელად წინგადადგმული ნაბიჯი იყო.