ჯანდაცვის მსოფლიო ორგანიზაცია მომავალ კვირას ექსპერტთა ჯგუფს ჩინეთში გაგზავნის, რომლის მიზანია კორონავირუსის წარმომავლობის გარკვევა. ამის შესახებ ჯანდაცვის მსოფლიო ორგანიზაციის ხელმძღვანელმა ტედროს ადჰანომ გებრეიესუსმა ჟენევაში გამართულ ბრიფინგზე განაცხადა.
„ჩვენ უკეთესად შეგვიძლია ვებრძოლოთ ამ ვირუსს, როდესაც ვიცით მასზე ყველაფერი, მათ შორის ის, თუ როგორ დაიწყო მისი გავრცელება. ჩვენ ვგზავნით ჩინეთში ჯგუფს მომავალ კვირას, რომელიც ამ საკითხზე იმუშავებს“, - განაცხადა ჯანდაცვის მსოფლიო ორგანიზაციის ხელმძღვანელმა.
გენერალურმა დირექტორმა იმედი გამოთქვა, რომ ეს მუშაობა გამოიღებს შედეგს იმის გასაგებად, როგორ დაიწყო ვირუსმა გავრცელება და რისი გაკეთებაა შესაძლებელი ავადმყოფობის აფეთქების შემთხვევაში სამომავლოდ.