ბორჯომის მუნიციპალიტეტში კიდევ 6 ფიტნეს ტრენაჟორების მოედანი მოეწყო. ამის შესახებ ინფორმაციას ბორჯომის მუნიციპალისტეტი ავრცელებს.
მათივე ცნობით, სამუშაოები ქალაქის 3 უბანში, ვაშლოვანაში, ახალშენსა და ჩარხისწყალზე და 3 სოფელში კორტანეთში, ლიბანსა და ანდეზიტში ჩატარდა.
როგორც ბორჯომის მუნიციპალიტეტში აცხადებენ, წლის ბოლომდე, სავარჯიშო სივრცეები კიდევ 7 სოფელს შეემატება. მათი ინფორმაციით, გასულ წელს ადგილობრივი თვითმმართველობის ინიციატივით, ქალაქის უბნებსა და სოფლებში 16 მოედანი დამონტაჟდა.
პროექტი ახალგაზრდებში ჯანსაღი ცხოვრების წესის ჩამოყალიბებასა და პოპულარიზაციას ისახავს მიზნად.