ამირან გამყრელიძე - ის, რომ საქართველო გამოიყურება ოაზისად და კორონავირუსის ერთეული შემთხვევებია ყოველდღიურად, არ იძლევა დამშვიდების საფუძველს - უნდა ვიყოთ მუდმივი მზადყოფნის რეჟიმში

არ უნდა მივეცეთ თვითდამშვიდებას, მზადყოფნის რეჟიმი უნდა ვიყოთ, რომ თუ შემთხვევათა მეტი რაოდენობა იქნება, ისევე ეფექტურად იმართოს, როგორც დღეს იმართება,- ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

ამირან გამყრელიძემ ყურადღება რეკომენდაციების დაცვის საჭიროებაზე გაამახვილა და განაცხადა, რომ მეორე ტალღის პრევენციისთვის მოსახლეობის მხრიდან რეკომენდაციების დაცვა აუცილებელია.

„ის, რომ დღეს საქართველო გამოიყურება კუნძულად, გარკვეულ ოაზისად, ირგვლივ მყოფ ქვეყნებს შორის, ეს არ გვაძლევს ერთი წუთით დამშვიდების უფლებას. ის, რომ ერთეული შემთხვევები გვაქვს ყოველდღიურად, ეს არ იძლევა დამშვიდების საფუძველს. ჩვენ უნდა ვიყოთ მუდმივი მზადყოფნის რეჟიმში. მეორე ტალღა იქნება თუ არ იქნება, ქვეყანაში უნდა გაძლიერდეს, როგორც საზოგადოებრივი, ისე ზოგადად ჯანდაცვის სისტემა, ამაზე ყოველდღიურად ვმუშაობთ,“-აღნიშნა გამყრელიძემ.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა